Оксалиплатин (100 мг)

Оксалиплатин

Оксалиплатин

Инфузия үшін ерітінді дайындауға арналған 50 мг, 100 мг лиофилизацияланған ұнтақ

Бір құтының ішінде

белсенді зат – оксалиплатин – 50 мг немесе 100 мг,

қосымша зат – лактоза моногидраты.

Ақ немесе ақ дерлік түсті ұнтақ немесе кеуекті масса.

Ісікке қарсы препараттар. Ісікке қарсы басқа препараттар. Құрамында платина бар препараттар. Оксалиплатин

АТХ коды L01XA03

Фармакокинетикасы

Әртүрлі белсенді метаболиттердің фармакокинетикасы анықталған жоқ. 1-5 цикл бойы оксалиплатинді 130 мг/м2 дозада әрбір үш апта сайын және 1-3 цикл бойы оксалиплатинді 85 мг/м2 дозада әрбір екі апта сайын 2 сағаттық енгізуден кейін ультрасүзілетін, яғни барлық байланыспаған, белсенді және белсенді емес алуан түрлердің қосындысы болып табылатын платинаның фармакокинетикалық параметрлері мынадай:

Оксалиплатиннің әрбір екі апта сайын 85 мг/м2 және әрбір үш апта сайын 130 мг/м2 көп реттік дозаларынан кейінгі ультрафильтраттағы платинаның фармакокинетикалық параметрлеріне шолу

AUC 0-48 және Смаx орташа мәндері 3 курс (85 мг/м2) немесе 5 курс (130 мг/м2) кезінде анықталды.

AUC, Vss және Сl орташа мәндері 1 курс кезінде есептелді.

Смаx, AUC, AUC 0-48, VSS және СL мәндері компартменттік емес талдауды пайдалана отырып есептелді.

t1/2, t1/2ß и t1/2 компартменттік талдауды (1-3 курсты бірге) пайдалана отырып есептелді.

СА – стандартты ауытқу.

2 сағаттық инфузиядан кейін енгізілген платинаның 15%-ы жүйелік қан ағынында болады, қалған 85%-ы тіндерге тез таралады немесе несеппен бірге шығарылады. Эритроциттермен және плазмамен қайтымсыз байланысу нәтижесінде осы орталардағы жартылай шығарылу кезеңі эритроциттердің және сарысудағы альбуминнің табиғи айналымына ұқсас. Әрбір екі апта сайынғы 85 мг/м2 сызбада да, әрбір үш апта сайынғы 130 мг/м2 сызбада да плазманың ультрафильтратында препараттың елеулі жиналуы байқалмайды, ал тепе-тең күйге емдеуді бірінші циклінде-ақ жетеді; пациентаралық және пациентішілік айырмашылықтар, жалпы алғанда, төмен.

Іn vitro биотрансформация энзимдік емес деградация нәтижесі болып табылады, Р450 цитохромы арқылы болатын диаминоциклогександы (DACH) сақиналар метаболизміне дәлелдер жоқ.

Науқастың организмінде оксалиплатин жан-жақты биотрансформацияға ұшырайды, және бастапқы белсенді зат 2 сағаттық инфузияның соңында плазманың ультрафильтратында байқалмайды. Биотрансформацияның кейбір цитоуытты өнімдері, соның ішінде монохлоро-, дихлоро- және диакво-DACH-платина кейінірек қысқа уақыт аралығында белсенді емес конъюгаттармен бірге жүйелік қан ағынынан табылды.

Платина көбіне несеппен бірге, негізінен енгізуден кейінгі алғашқы 48 сағат ішінде шығарылады.

Бесінші күні жалпы дозаның 54%-ға жуығы несептен және 3%-дан азы нәжістен табылды.

Фармакодинамикасы

Оксалиплатин платина туындыларының жаңа класына жататын, онда платина атомы оксалатпен және 1,2-диаминоциклогексанмен кешен (DACH) түзетін ісікке қарсы препарат болып табылады.

Оксалиплатиннің, адамның колоректальді обырын қоса, ісіктердің әртүрлі модельдерінде in vitro цитоуыттығы да, сонымен қатар in vivo ісікке қарсы белсенділігі де кең ауқымды болады. Ол сондай-ақ цисплатинге төзімді ісіктің әртүрлі жасушалық желілерде in vitro және in vivo белсенділік танытады. 5-фторурацилмен біріктірілімінде in vitro және in vivo синергиялық цитоуыттық әсері байқалады.

Оксалиплатиннің әсер ету механизмін зерттеу оксалиплатиннің биотрансформациясы нәтижесінде алынған сулы туындылары аралық және ішкі тәждік көпірлер түзу жолымен ДНҚ-мен өзара әрекеттеседі және ДНҚ синтезін басады, ал бұл цитоуыттылыққа және ісікке қарсы әсерге әкеледі деген гипотезаны айғақтайды.

• алғашқы ісікті радикальді кесуден кейін колоректальді обырдың III сатысында (Дьюк бойынша С) 5-фторурацилмен және фолин қышқылымен біріктіріліген адъювантты емде;

• диссеминацияланған колоректальді обырда (монотерапия немесе 5-фторурацилмен және фолин қышқылымен біріктірілген ем ретінде).

Дозалануы

Ересектерге ғана арналған. Адъювантты емдеуде Оксалиплатиннің ұсынылатын дозасы вена ішіне 85 мг/м2 құрайды, 12 цикл (6 ай) бойы әрбір екі апта сайын қайталанады.

Метастаздық колоректальді обырда аурудың өршуі және тиімсіз уыттылығы басталғанға дейін әрбір екі апта сайын қайталанатын Оксалиплатиннің вена ішіне ұсынылатын дозасы 85 мг/м2 құрайды.

Дозаны жағымдылығына қарай түзету қажет.

Оксалиплатинді әрдайым фторопиримидиндерге дейін, яғни 5-фторурацилді енгізгенге дейін енгізген жөн.

Оксалиплатиннің дозасын түзету және енгізу режимі бойынша нұсқаулар

Гематологиялық бұзылулар жағдайында (нейтрофилдер саны <1500/мкл және/немесе тромбоциттер саны <50000/мкл) келесі курсты тағайындауды зертханалық көрсеткіштер қалпына келгенше кейінге қалдырады.

Уыттылығы 4 дәрежедегі диарея (ДДҰ шкаласы бойынша), 3-4 дәрежедегі нейтропения (нейтрофилдер саны <1000/мкл), 3-4 дәрежедегі тромбоцитопения (тромбоциттер саны <50000/мкл) дамыған кезде оксалиплатиннің дозасы кейінгі енгізулерде, оларды біріктіріп қолданған жағдайда 5-фторурацилдің дозасын әдеттегідей төмендетуге қосымша, диссеминацияланған колоректальді обырды емдегенде 85 мг/м2-ден 65 мг/м2-ге дейін және адъювантты терапияда 75 мг/м2-ге дейін төмендетілуі тиіс.

Инфузия барысында немесе 2 сағаттық инфузиядан кейін бірнеше сағат ішінде жедел көмей-жұтқыншақ парестезиясы дамыған науқастарға оксалиплатиннің келесі инфузиясын 6 сағат ішінде жүргізген жөн.

Нейроуыттылық дамыған кезде оксалиплатиннің дозасын түзету жөніндегі нұсқаулар

- нейроуыттылықтың 7 күннен ұзағыраққа созылып ауыртатын симптомдарында оксалиплатиннің кейінгі дозасы диссеминацияланған колоректальді обырды емдегенде 85 мг/м2-ден 65 мг/м2-ге дейін және адъювантты терапияда 75 мг/м2-ге дейін төмендетілуі тиіс;

- келесі циклге дейін сақталатын функциональді бұзылуларсыз болатын парестезияларда оксалиплатиннің кейінгі дозасы метастазданатын колоректальді обырды емдегенде 85 мг/м2-ден 65 мг/м2-ге дейін және адъювантты терапияда 75 мг/м2-ге дейін төмендетілуі тиіс;

- келесі циклге дейін сақталатын функциональді бұзылулары бар парестезияларда оксалиплатинді қабылдау тоқтатылуы тиіс;

- оксалиплатин қабылдауды тоқтатқаннан кейін нейроуыттылық симптомдарының айқындылығы азайғанда емдеуді қайта жаңғырту жөніндегі мәселені қарастыруға болады.

Стоматит және/немесе уыттылығы 2-ші және одан көбірек мукозиттер дамыған кезде оксалиплатинмен емдеу олар жинақталғанша немесе уыттылығы 1-ші дәрежеге дейін төмендегенше тоқтатылуы тиіс.

Ерекше популяциялар

Бүйрек функциясының жеткіліксіздігі бар пациенттер

Оксалиплатин бүйрек функциясының ауыр жеткіліксіздігі бар пациенттерге тағайындалмауы тиіс.

Бүйрек функциясы жеңілден орташа дәрежеге дейін бұзылған науқастарда оксалиплатиннің ұсынылатын дозасы 85 мг/м2 құрайды.

Бауыр функциясы бұзылған пациенттер

Бауыр функциясының ауыр жеткіліксіздігі бар пациенттерде гепатобилиарлы бұзылулардың жиілігі және ауырлығы аурудың өршуімен және бауыр функциясындағы бастапқы патологиялық ауытқулармен байланысты болды. Клиникалық өңдеулер барысында бауыр функциясы бұзылған науқастарда дозаға өзгертулер жүргізілген жоқ.

Егде жастағы пациенттер

65 жастан асқан науқастарда оны монотерапия немесе 5-фторурацилмен біріктірілімі ретінде қолданғанда оксалиплатиннің уыттылығының күшеюі байқалған жоқ. Сондықтан егде жастағы науқастарда дозаны түзету қажет емес.

Педиатриялық популяция

Оксалиплатин балаларға қолдану үшін көрсетілмеген. Педиатриялық популяцияда ірі ісіктердің монотерапия дәрісі ретінде оксалиплатиннің тиімділігі анықталған жоқ.

Енгізу тәсілі

Оксалиплатинді орталық веноздық желіге немесе шеткері венаға 2-6 сағат бойы енгізген жөн.

Экстравазация жағдайында препаратты енгізу дереу тоқтатылуы тиіс.

Оксалиплатинді енгізу гипергидратацияны қажет етпейді.

Препарат ерітіндісін дайындағаннан кейін бірден қолданылуы тиіс.

Препарат ерітіндісін дайындау жөніндегі нұсқаулықтар

Оксалиплатиннің ерітіндісін дайындағанда және енгізгенде құрамында алюминий бар инелерді және басқа да құралдарды пайдалануға болмайды.

Препаратты еріту немесе препарат ерітіндісін сұйылту үшін (инфузиялық ерітіндіні дайындау үшін) натрий хлоридінің ерітіндісін, басқа да тұз (сілтілік) ерітінділерін, құрамында хлоридтер бар ерітінділерді пайдаланбау керек.

Препаратты қолданар алдында инъекцияға арналған суда немесе 5% декстроза ерітіндісінде ерітеді. 20 мл (50 мг) құтыға 10 мл еріткішті, 50 мл (50 мг) құтыға 20 мл еріткішті құяды. 50 мл (100 мг) құтыға 20 мл еріткішті, 100 мл (100 мг) құтыға 40 мл еріткішті құяды.

Осылайша қалпына келтірілген препаратты сол бойда 250-500 мл 5% декстроза ерітіндісімен сұйылтады. Оксалиплатиннің алынған ерітіндісінің концентрациясы 0,2 мг/мл-ден аз болмауы тиіс. Препараттың ерітіндісін дайындау үшін тек ұсынылған еріткіштер ғана қолданылуы тиіс.

Сұйылтылмаған препаратты қолдануға болмайды.

Препараттың дайындалған ерітіндісі мөлдір болуы тиіс және онда ерімеген бөлшектер болмауы тиіс. Керісінше жағдайда препараттың ерітіндісін қолдануға болмайды.

Препараттың ерітіндісін дайындап болу бойына қолданады.

Препарат тек бір реттік қолдануға ғана арналған.

Препараттың пайдаланылмаған ерітіндісі жойылуы тиіс.

Ерітіндіні дайындау және оны енгізу үшін пайдаланылған материалдар цитоуытты препараттардың пайдалану ережелеріне сәйкес жойылуы тиіс.

Бір ыдыста араластырмау керек, бір инфузиялық жүйеде басқа препараттармен (әсіресе 5-фторурацилмен, негізгі ерітінділермен, трометамолмен және өзінің құрамында трометамол бар фолин қышқылының препараттарымен) бір мезгілде тағайындамау керек.

Оксалиплатин фолин қышқылының инфузияларымен бірге тағайындалуы мүмкін. Мұндай жағдайда препараттарды инфузияға арналған бір ыдыста араластырмаған жөн. Инфузия жүргізу фолин қышқылын 5% декстроза ерітіндісін пайдаланып сұйылтпаған жөн, сонымен қатар ешбір жағдайда құрамында натрий хлориді бар ерітінділерді немесе сілтілік ерітінділерді пайдаланбаған жөн.

Медқызметкерге арналған нұсқаулық

Медицина қызметкерінің осы цитоуытты препаратпен жұмыс жасау онымен жұмыс жасайтын адамның және оның айналасындағы адамдардың қорғанышын қамтамасыз ету үшін, сақтық шараларын қатаң түрде орындау қажет болады.

Цитоуытты заттардың инъекциясына арналған ерітінділерді дайындауды, қоршаған ортаның және әсіресе онымен жұмыс жасайтын қызметкердің денсаулығының қорғалуын қамтамасыз ететін жағдайларда, пайдаланылатын препараттар жөніндегі ақпаратты ескере отырып дайындалған, мамандандырылған қызметкер жүргізуі тиіс. Ол осы ерітінділерді дайындау жеке бөлмені қажет етеді. Осы бөлмеде шылым шегуге, тамақ және сусындар ішуге тыйым салынады.

Қызметкер тиісті қорғаныш киімді, атап айтқанда жеңі ұзын халатты, қорғаныш бетпердені, бас киімді, қорғаныш көзілдірікті, жұмыс столын қорғау үшін стерильді бір реттік жапқышты, контейнерлерді және қалдықтарды жинауға арналған қалталарды пайдалануы тиіс.

Экскременттермен және құсық массаларымен жұмыста абай болу керек.

Жүкті әйелдерге цитоуытты заттармен жұмыс жасауға болмайтынын алдын ала ескерткен жөн.

Оксалиплатинді, соның ішінде 5-фторурацилмен/фолин қышқылымен біріктірілімін қолданғанда байқалған өте жиі жағымсыз әсерлер асқазан-ішек жолы тарапынан реакциялар (диарея, жүректің айнуы, құсу, мукозит), гематологиялық реакциялар (нейтропения, тромбоцитопения) және неврологиялық реакциялар (жедел және жинақталған дозаға тәуелді шеткері сенсорлы нейропатия) болды. Жалпы алғанда, осы жағымсыз әсерлер оксалиплатинді 5-фторурацилмен/фолин қышқылымен біріктіргенде, тек 5-фторурацилді және фолин қышқылын ғана қолданумен салыстырғанда, өте жиі және ауыр болды.

Төменде берілген жағымсыз реакциялардың жиілігі келесі градацияға сәйкес баяндалып отыр: өте жиі (≥1/10), жиі (≥1/100, <1/10); жиі емес (≥1/1000, <1/100); сирек (≥1/10000, <1/1000); өте сирек (<1/10000), жиілігі белгісіз (жиілігі қолда бар деректер негізінде анықтау мүмкін емес).

Өте жиі

• инфекциялар

• анемия, нейтропения, тромбоцитопения, лейкопения, лимфопения

• аллергиялық реакциялар*

• анорексия, гипергликемия, гипокалиемия, гипонатриемия

• шеткері сенсорлы нейропатия, бас ауыру, сезімталдықтың бұзылулары, дәмнің бұзылулары

• мұрыннан қан кету, диспноэ, жөтел

• жүректің айнуы, құсу, стоматит, мукозит, абдоминальді ауыру, іш қату, диарея

• сілтілік фосфатазаның, билирубиннің, лактатдегидрогеназаның, бауырлық трансаминазалардың (АЛТ, АСТ) жоғарылауы

• тері бұзылулары, алопеция

• арқаның ауыруы

• қызба**, шаршау, астения, ауыру, препаратты енгізген жерде реакциялар***

• дене салмағының артуы (адъювантты емде)

Жиі

• фебрильді нейтропения

• ринит, жоғарғы тыныс алу жолдарының инфекциялары, нейтропения аясындағы сепсис

• сусыздану

• депрессия, ұйқысыздық

• бас айналу, қимыл жүйкелерінің невриттері, менингизм құбылыстары

• коньюнктивит, көрудің бұзылуы

• геморрагиялар, тереңдегі веналардың тромбоздары, артериялық гипертензия, ыстық «тебулер» сезімі, өкпелік артериялар эмболиясы

• ықылық, диспепсия, гастроэзофагеальді рефлюкс, асқазан-ішектік қан кетулер, геморроидальді қан кетулер

• алақан-табан синдромы, эритематозды бөртпе, басқа бөртпе, қатты тершеңдік, тырнақтардың өзгеруі

• артралгиялар, сүйектердің ауыруы

• гематурия, дизурия, несеп шығару жиілігінің бұзылулары

• қан сарысуында креатининнің жоғарылауы

• дене салмағының төмендеуі (метастазданатын обырды емдеу сызбасын қолданғанда)

Жиі емес

• метаболизмдік ацидоз

• күйгелектік

• отоуыттылық

• салдық илеус, ішек бітелісі

Сирек

• иммуноаллергиялық тромбоцитопения, гемолиздік анемия

• дизартрия, қайтымды лейкоэнцефалопатиялық синдром

• көру өткірлігінің өткінші төмендеуі, көру ауқымының тарылуы, көру жүйкесінің невриті; емдеуді тоқтатқаннан кейін қалпына келетін көздің өткінші көрмей қалуы

• кереңдік

• өкпенің интерстициальді аурулары (кейде өліммен аяқталатын), өкпе фиброзы

• панкреатит; колит, Clostridium difficile әсерінен туындаған диреяны қоса

Өте сирек

• синусоидальді бауырлық обструкция синдромы, пелиозды гепатит, түйінді регенеративті гиперплазия, перисинусоидальді фиброз

• жедел тубулярлы некроз, жедел интерстициальді нефрит, бүйрек функциясының жедел жеткіліксіздігі

Жиілігі белгісіз

• гемолиздік уремиялық синдром

• құрысулар

Жүйке жүйесі тарапынан бұзылулар

Дозалауды шектейтін оксалиплатиннің неврологиялық уыттылығы болып табылады, ол дизестезиямен және/немесе суықтың әсерінен жиі туындайтын, құрысулармен немесе оларсыз аяқ-қолдың парестезиясымен сипатталатын шеткері сенсорлық нейропатия болып табылады. Бұл симптомдар науқастардың 95%-да дерлік кездеседі. Емдеу курстарының арасында әдетте кері дамитын осы симптомдардың ұзақтығы емдеу курсының санымен арта түседі. Ауырудың және/немесе функциональді бұзылулардың пайда болуы дозаны түзету немесе тіпті емді тоқтату үшін (симптомдардың ұзақтығына байланысты) көрсетілім болып табылады.

Дәл қимыл жасауда қиындық тудыратын функциональді бұзылулар сенсорлық зақымданудың ықтимал зардаптары болып табылады. Функциональді бұзылулар қаупі 850 мг/м2-ге жуық жиынтық дозаларда (10 курс) 10%-ға жуықты құрап, 1020 мг/м2 жиынтық дозалар (12 курс) жағдайында 20%-ға жетеді.

Көптеген жағдайларда неврологиялық шағымдар және симптомдар емдеуді аяқтағаннан кейін азаяды немесе толық қайтады. Колоректальді обырды адъювантты емдеу кезінде ем аяқталғаннан кейін 6 ай өткен соң науқастардың 87%-да симптомдар болған жоқ, немесе олар нашар білінді. 3 жылдық бақылау нәтижелері бойынша, науқастардың шамамен 3%-да қарқындылығы орташа тұрақты жергілікті парестезиялар (2,3%), немесе функциональді белсенділікке ықпалын тигізуге қабілетті парестезиялар (0,5%) білінді.

Оксалиплатинмен емдеу барысында жедел нейросенсорлық көріністер білінді. Әдетте олар препаратты енгізгеннен кейін бірнеше сағат ішінде басталады және суықтың әсерінен жиі жүреді. Олар әдетте өткінші парестезиялар, дизестезиялар немесе гипестезиялар түрінде көрініс береді. Көмей-жұтқыншақ дизестезиясының жедел синдромы науқастардың 1-2%-да кездеседі және дисфагияның субъективті сезілуімен немесе респираторлық дистрестің (цианозсыз немесе гипоксиясыз) немесе ларингоспазмның немесе бронхоспазмның қандай да болсын объективті белгілерінсіз (стридорсыз немесе ысылдап демалысыз) ентігу/тұншығу сезімімен сипатталады. Осындай жағдайларда антигистаминдік дәрілер және бронходилататорлар қолданылса да, симптомдар ем болмаған жағдайдың өзінде тезірек кері дамыды. Кейінгі циклдерде құю емшарасының созылуы осы синдромның жиілігін қысқартуға жәрдемдеседі. Сирек жағдайларда жақтың спазмы/бұлшықет спазмы/бұлшықеттің еріксіз жиырылуы/бұлшықет құрысулары/миоклоникалық құрысулар/қимыл үйлесімінің бұзылуы/жүріс-тұрыс мәнерінің бұзылуы/атаксия/тепе-теңдіктің бұзылуы/тамақтың немесе кеуде қуысының кернеу сезімі/жайсыздық/ ауыру қамтылатын басқа да симптомдар білінді. Бұдан басқа, бассүйек-ми жүйкелерінің дисфункциясы білінуі мүмкін, олар жоғарыда аталған құбылыстардың салдары немесе өздігінен, атап айтқанда, қабақтың түсіп кетуі/диплопия/афония/дисфония/кейде дауыс байламының салдануы сияқты сипатталатын дауыстың қарлығуы, тілде аномальді сезімдер немесе кейде афазия ретінде сипатталатын дизартрия, үшкіл жүйкенің невралгиясы/беттің ауыруы/көздің ауыруы, көру жітілігінің нашарлауы, көру аумағының бұзылулары дамуы мүмкін.

Дизартрия, тереңдегі сіңір рефлекстерінің жоғалуы және Лермитт симптомы сияқты басқа да неврологиялық симптомдар оксалиплатинмен емдеумен байланысты жиі тіркелді. Көру жүйкесі невритінің бірнеше жекелеген жағдайлары тіркелді.

* Жиі аллергиялық реакцияларға тері бөртпелері, атап айтқанда есекжем, конъюнктивит және ринит жатады. Жиі анафилаксиялық реакцияларға немесе анафилактоидтық реакцияларға бронхтың түйілуі, ангионевроздық ісіну, гипотензия, кеудеде ауыру сезімі және анафилаксиялық шок жатады.

** Шығу тегі инфекциялық (фебрильді нейтропенияның пайда болуымен немесе онсыз), сонымен қатар шығу тегі иммунологиялық дене температурасының жоғарылауы, қалтырау (дірілдеу) өте жиі байқалады.

*** Инъекция орнының ауыруы, қызару, ісіну және тромбозды қоса, инъекция жасалған жердегі реакциялар жөнінде мәлімдемелер бар. Экстравазация жергілікті ауыруға және қабынуға әкелуі мүмкін, олардың ауырлық дәрежесі жоғары болуы және, әсіресе оксалиплатинмен шеткері венаға инфузия жасағанда, некрозды қоса асқынуларға әкеп соғуы мүмкін.

• оксалиплатинге немесе осы препараттың құрамындағы қосымша компоненттерге жоғары сезімталдық

• емдеудің алғашқы курсын бастағанға дейінгі миелосупрессия (нейтрофилдер саны 2000/мкл-ден аз және/немесе тромбоциттер саны 100000/мкл-ден аз)

• емдеудің алғашқы курсын бастағанға дейін функциональді бұзылулары бар шеткері сенсорлық нейропатия

• бүйрек функциясының ауыр бұзылулары (креатинин клиренсі минутына 30 мл-ден аз)

• жүктілік

• бала емізу кезеңі.

5-фторурацилді тура тағайындар алдында оксалиплатиннің бір реттік 85 мг/м2 дозасын науқастарға енгізген жағдайда 5-фторурацил деңгейінің өзгерулері байқалған жоқ.

Эритромицинмен, салицилаттармен, гранисетронмен, паклитакселмен және натрий вальпроатымен бірге жасалған in vitro тәжірибелерде оксалиплатиннің плазма ақуыздарымен байланысуында елеулі өзгерулер байқалған жоқ.

Үйлесімсіздік

• осы препаратты «Қолдану тәсілі және дозалары» бөлімінде көрсетілгендерді қоспағанда, басқа дәрілік зартармен араластырмаған жөн. Оксалиплатинді фолин қышқылымен бірге Y-тәрізді жүйе арқылы енгізуге болады.

• Сілтілік препараттармен немесе ерітінділермен (атап айтқанда, 5-фторурацилмен, құрамында қосымша зат ретінде трометамол бар фолин қышқылының препараттарымен, трометамол тұздары бар басқа дәрілік заттармен) араластырмау керек. Сілтілік дәрілік заттар және ерітінділер оксалиплатиннің тұрақтылығына кері ықпалын тигізеді.

• препаратты еріту немесе препарат ерітіндісін сұйылту үшін (инфузиялық ерітінді дайындау үшін) физиологиялық ерітіндіні немесе құрамында хлор иондары бар басқа (соның ішінде кальций, калий және натрий хлориді) ерітінділерді пайдаланбау керек.

• бір ыдыста немесе инфузиялық жүйеде басқа препараттармен араластырмау керек.

• құрамында алюминий бар енгізуге арналған құралдарды пайдаланбау керек (шөгінді түзуі және оксалиплатиннің белсенділігі төмендеуі мүмкін).

Оксалиплатин цитоуытты препараттарды қолдануға арналған мамандандырылған бөлімдерде ғана және химиотерапиялық препараттарды қолдану тәжірибесі бар клиникалық онкологтың қадағалауымен ғана қолданылуы тиіс.

Бүйрек функциясының жеткіліксіздігі бар пациенттер

Жағымсыз реакциялар пайда болған жағдайда бүйрек функциясының ауырлығы жеңіл немесе орташа бұзылулары бар пациенттерге мұқият мониторинг жүргізген, сондай-ақ ауырлық дәрежесіне сәйкес дозаны ретке келтірген жөн.

Аса жоғары сезімталдық реакциялар

Анамнезінде платинаның басқа қосылыстарына аллергиялық реакциялары бар науқастарда аллергиялық симптомдардың бар-жоқтығын қатаң бақылаған жөн. Оксалиплатинге анафилаксиялық реакциялар жағдайында инфузияны дереу тоқтату және тиісті симптоматикалық ем тағайындау керек. Оксалиплатин енгізуді қайта жаңғыртуға болмайды. Айқаспалы, кейде тіпті фатальді реакциялар құрамында платина бар барлық өнімдерге қатысты мәлімделді.

Экстравазация жағдайында инфузияны дереу тоқтатқан және әдеттегі жергілікті симптоматикалық емді бастаған жөн.

Неврологиялық симптомдар

Оксалиплатиннің неврологиялық уыттылығы, әсіресе препарат спецификалық неврологиялық уыттылығы бар басқа дәрілік препараттармен бірге енгізілсе, қатаң бақылануы тиіс. Неврологиялық тексеруді әрбір енгізу алдында, ал кейін мезгіл-мезгіл жүргізген жөн.

Инфузия барысында немесе екі сағаттық инфузиядан кейін бірнеше сағат ішінде жедел көмей-жұтқыншақ дизестезиясы дамитын науқастарға оксалиплатиннің келесі инфузиясын 6 сағат бойы жүргізу керек.

Шеткері нейропатия

Егер неврологиялық симптомдар (парестезия, дизестезия) пайда болса, оксалиплатиннің кейінгі ұсынылатын дозасын түзету осы симптомдардың ұзақтығына және ауырлық дәрежесіне негізделуі тиіс:

• егер симптомдар жеті күннен көбірек сақталса және қолайсыздық тудырса, оксалиплатиннің кейінгі дозасын 85-тен 65 мг/м2 дейін (метастаздық сызба) немесе 75 мг/м2 дейін (адъювантты емдеу сызбасы) төмендету керек

• егер функциональді бұзылуларсыз парестезия келесі циклге дейін сақталса, оксалиплатиннің кейінгі дозасын 85-тен 65 мг/м2 дейін (метастаздық сызба) немесе 75 мг/м2 дейін (адъювантты сызба) төмендету керек

• егер функциональді бұзылулары бар парестезия келесі циклге дейін сақталса, оксалиплатин қабылдауды тоқтатқан жөн

• егер осы симптомдар оксалиплатинмен емдеуді тоқтатқаннан кейін бәсеңдесе, емдеуді жалғастыру жөніндегі мәселені қарастыруға болады.

Науқастарды емдеу аяқталғаннан кейін шеткері сенсорлық нейропатияның тұрақты симптомдары болуы мүмкін екендігінен хабардар еткен жөн. Жергілікті орташа парестезиялар немесе функциональді белсенділікке кедергі жасауы мүмкін парестезиялар адъювантты сызба бойынша жүргізілетін ем аяқталғаннан кейін 3 жылға дейін сақталуы мүмкін.

Жүректің айнуы, құсу, диарея, дегидратация және гематологиялық бұзылулар

Жүректің айнуы және құсу сияқты көрініс беретін оксалиплатиннің асқазан-ішектік уыттылығына профилактикалық және/немесе емдік шаралар ретінде антиэметиктерді қолдану алдын ала белгіленеді.

Ауыр диарея және/немесе құсу, әсіресе оксалиплатинді 5-фторурацилмен біріктіргенде сусыздануға, ішектің салданған бітелісіне, ішектің тығындалуына, гипокалиемияға, метаболизмдік ацидозға және бүйрек функциясының бұзылуына әкеп соғуы мүмкін.

Оксалиплатинді және 5-фторурацилді енгізгеннен кейін науқастарды диарея немесе құсу, мукозит немесе стоматит және нейтропения қаупі жөнінде, соларды тиісінше емдету үшін өз дәрігеріне шұғыл түрде қаралуы үшін, тиісінше хабардар ету қажет.

Егер мукозит немесе стоматит нейтропениямен немесе онсыз пайда болса, онда мұндай жағдайда келесі емдеуді мукозиттің (немесе стоматит) айқындылығы, ең жоқ дегенде, 1 дәрежеге дейін төмендегенге дейін және/немесе нейтрофилдер саны ≥1,5109/л мәндеріне дейін қалпына келгенге дейін, кейінге қалдыра тұрған жөн.

Егер оксалиплатин 5-фторурацилмен (фолин қышқылымен немесе онсыз) біріктірілсе, 5-фторурацилдің уыттылығына байланысты, әдетте оның дозасын түзету ұсынылады.

4 дәрежедегі диарея, 3-4 дәрежедегі нейтропения (нейтрофилдер саны 1109/л) немесе 3-4 дәрежедегі тромбоцитопения (тромбоциттер саны 50109/л) пайда болған кезде оксалиплатиннің дозасын, 5-фторурацилдің дозасын төмендетуге қосымша, 85-тен 65 мг/м2 дейін (метастаздық сызба) немесе 75 мг/м2 дейін (адъювантты сызба) төмендету керек.

Респираторлық бұзылулар

Этиологиясы айқын емес өнімсіз жөтел, ентігу, сырылдар немесе өкпе фильтраты сияқты диагностикалық радиологиялық әдістермен айғақталған респираторлық симптомдар жағдайында оксалиплатинді қабылдау өкпелік бұзылулар себептері анықталғанша және өкпенің интерстициальді ауруларының бар-жоқтығы анықталғанша тоқтатыла тұруы тиіс.

Бауыр функциясының бұзылуы

Бауыр функциясын талдаудың патологиялық нәтижелері жағдайында немесе бауырдағы метастаздармен байланысты емес портальді гипертензияда шығу тегі дәрілік, өте сирек кездесетін бауырдың қантамырлық бұзылулары болуы мүмкін.

Лактоза

Препараттың құрамына лактоза кіреді, осыған байланысты сирек туа біткен галактоза жақпаушылығы, Лапп лактаза тапшылығы және глюкозо-галактоза мальабсорбциясы бар пациенттерге қолдану ұсынылмайды.

Жүктілік және лактация кезеңі

Қазіргі таңда жүкті әйелдерге оксалиплатинді қолданудың қауіпсіздігі жөнінде жеткілікті ақпарат жоқ. Клиникаға дейінгі деректер негізінде, оксалиплатин, сірә, ұсынылған емдік дозада адам шаранасына летальді және/немесе тератогенді. Демек, жүктілік кезінде және контрацепция заттарын пайдаланбайтын, бала туа алатын жастағы әйелдерде оксалиплатинді пайдалану ұсынылмайды.

Қолдану ықтималдылығы науқасқа препараттың шарана үшін қаупінен ерекше хабардар еткеннен кейін және оның келісімінен кейін таразылануы мүмкін.

Емдеу кезінде, сондай-ақ кейінгі 4 ай бойы әйелдер және 6 ай бойы еркектер контрацепцияның тиісті құралдарын пайдалануы қажет.

Препараттың емшек сүтіне енуі зерттелген жоқ. Оксалиплатинмен емделу кезінде емшек емізуге болмайды.

Оксалиплатин антифертильді әсер беруі мүмкін.

Ұрпақ өрбіту функциясының ықпалы

Клиникаға дейінгі зерттеулерде оксалиплатиннің геноуыттылық әсерлері байқалды. Оксалиплатинмен ем қабылдап жүрген еркектерге емделу кезінде және оны аяқтағаннан кейін 6 ай бойы бала тудыру ұсынылмайды. Сондай-ақ емдеуді бастар алдында спермаға консервация жүргізу ұсынылады, өйткені оксалиплатин ұрпақ өрбіту функциясына қайтымсыз әсер етуге әкелуі мүмкін.

Әйелдер оксалиплатинмен емделу кезінде жүктілікке жол бермегені және контрацепцияның тиімді әдістерін пайдаланғандары жөн.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Оксалиплатиннің автокөлікті және механизмдерді басқару қабілетіне ықпалына баға беру үшін зерттеулер жүргізілген жоқ. Алайда оксалиплатинмен емдеу бас айналу, жүректің айнуы және құсу қаупінің және реакция жылдамдығына және тепе-теңдік сезіміне ықпалын тигізетін басқа да неврологиялық симптомдарға әкелуі мүмкін, сондықтан да көлікті басқару және механизмдерді пайдалану қабілетіне аздаған немесе орташа ықпалын тигізуі мүмкін.

Симптомдары: сипатталған жағымсыз әсерлердің күшеюі.

Емі: спецификалық антидоты жоқ. Гематологиялық бақылау және симптоматикалық ем.

Шығарылу түрі және қаптамасы

Резеңке тығынмен тығындалған, сыйымдылығы 20 мл және 50 мл құтыларда 50 мг-ден немесе сыйымдылығы 50 мл және 100 мл құтыларда 100 мг-ден. Құтылар алюминий немесе біріктірілген немесе алюмопластик немесе пластик саптамасы бар алюминий қалпақшалармен қаусырылған.

Құты медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Ауруханаларға арналған қаптама: 50 мг доза үшін 15 құты және 100 мг дозалар үшін 12 құты медициналық қолдану жөнінде мемлекеттік және орыс тілдеріндегі нұсқаулықпен бірге топтама ыдыстарға салынған.

Жарықтан қорғалған жерде, 250С-ден аспайтын температурада.

Балалардың қолы жетпейтін жерде сақтау керек.

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Рецепт арқылы

«Белмедпрепараты» РУК, Беларусь Республикасы

Заңды мекенжайы және шағымдарды қабылдауға арналған мекенжайы:

220007, Минск қ., Фабрициус к-сі, 30,

т./ф.: (+375 17) 220 37 16, e-mail: medic@belmedpreparaty.com.

Тіркеу куәлігі иесінің атауы және елі

«Белмедпрепараты» РУК, Беларусь Республикасы

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы:

«КазБелМедФарм» ЖШС

Заңды мекенжайы/ Нақты мекенжайы:

040923, Алматы облысы, Қарасай ауданы, Райымбек ауылы, Жастар к-сі, 22

Телефон/факс нөмірлері: 8(727) 225-59-98, 378-52-74

Электронды поштасы: info@kbmf.kz